Այս շաբաթ հաղթահարեցինք Արագածի հարավային գագաթի վերելքը (3887մ)։ Առավոտյան հանդիպեցինք Սուրբ Երրորդություն եկեղեցու բակում, լուսանկարվեցինք և ճանապարհ ընկանք։ Վերելքը սկսեցինք Քարի լճից, որը գտնվում է 3200 մետր բարձրության վրա։ Ճանապարհը հեշտ չէր, բայց չափազանց հաճելի էր, անցանք տարվա 4 եղանակների միջով և հասանք Արագածի չքնաղ տեսարանին։ Խմբում շատերս առաջին անգամ էինք հաղթահարում Արագածի վերելքը և իհարկե, Ընկեր Ալբերտը գագաթից բացվող ֆանտաստիկ տեսարանի առաջ, գեղեցիկ ավանդույթով բոլորիս մկրտեց։ Աննկարագրելի էմոցիաներ էին, որոնք երբեք չեմ մոռանա։ Խմբում ինչպես միշտ շատ դրական, հետաքրքիր ու բարի մարդիկ էին հավաքվել։ Զրուցելով, կատակելով, իրար օգնելով հաղթահարեցինք վերելքը։ Հետաքրքիր է՝ ինչպես են առավոտյան լրիվ իրար անծանոթ մարդիկ, արշավից հետո այդքան մտերմանում։ Արշավն էլ ամփոփեցինք Քարի լճի մոտ՝ ազգագրական պարով։
Միլենա Սիմոնյան 